ردّت الفنانة اللبنانية نادين نسيب نجيم، على التعليقات المسيئة التي طالتها عقب فوز ملكة جمال لبنان، ياسمينا زيتون بلقب الوصيفة الأولى لملكة جمال العالم.
ونشرت نادين عبر حسابها على منصة "إكس"، صورة لتعليقات هاجمتها، وقالت: "بعتولي هيدي الصورة.. أنا ليش بكل عرس إلي قرص أنا شو خصني بياسمين؟ وألف مبروك إلها وبتستاهل".
وأضافت نادين: "أنا والله مني ملكة جمال لبنان الوحيدة يلي طلعت في كتير غيري..ما عم بفهم شو مشكلتكم معي ليش قلة التهذيب بحقي على الطالع والنازل".
وتابعت: "أنا منّي بنت هل بلد يا عمي؟ أنا لبنانية ومثلت بلدي أحسن تمثيل، إذا بدكم تباركوا لغيري أو تدعموا غيري، ليه بدكم تجيبوا سيرتي بالعاطل أنا شو ذنبي؟".