وجهت النجمة اللبنانية نادين نجيم عبر حسابها الخاص في "سناب شات" رسالة إلى الفتيات العزباوات مع اقتراب عيد الحب "الفالنتاين"، والذي يصادف يوم 14 فبراير/شباط الحالي.
وقالت نادين في رسالتها: "اللي نفسيته حلوة بعمره ما بيكبر.. بيكبر بالعمر.. وبضل صغير من جوا وحتى شكله بضل منور".
وأضافت: "أنا الـ DNA تبعي بالمقلوب.. بكبر بالعمر .. بس شكلي بيصغر.. اشتقتلكم أنا .. بعرف إنه صرلي زمان غايبة.. انضغطت كتير وجيت من السفر.. طلعت على الجبل أخدت الولاد وريحت شوي".
وختمت: "كيفكم مع الفالنتاين.. إذا بسمع وحدة بتنق، وبتبكي أنه هي Single .. ما تبلشوا كلنا بالهوا سوا.. بس مين مهتم.. الفالنتاين مش بس للحب .. منه بس للشباب والمتزوجين.. الفالنتاين فيه يكون الحب بين 2 أصحاب.. بين أم وولادها، وكمان بينك وبين حالك.. هاي السنة بدنا نحتفل بحب حالنا.. بدك تقومي نهار 14 .. بتزبطي حالك.. بتروحي SPA..بتهتمي بحالك وجهك، جسمك، شكلك، شعرك.. كل شي، وبعدين بتزبطي حالك ومكياجك وبتحجزي مطعم وإنتي وصاحباتك بتروحوا بتحتفلوا بجمالكم.. وحتى لو عاملين شي غلط.. بتحتفلوا إنكم خلصتوا من الغلط.. حبوا حالكن أهم حب هو إلي بتعطوه لحالكم".