علّق الفنان المصري أحمد سعد على الانتقادات التي طالته الفترة الأخيرة بسبب اللوك الجديد والذي ظهر خلاله بأقراط في ذقنه وضفيرة شعر.
وأوضح سعد خلال تصريحات تلفزيونية أنه لا يلتفت لتعليقات الجمهور مؤكدًا أنه لم يفعل ما يتعارض مع التعاليم الدينية.
وقال: "اللوك مبيأثرش معايا خالص والكلام كتر عليا أوي، كلام الناس مبيشغلنيش ومبيزعلنيش والمشكلة مش فيا المشكلة في الناس، بيحبوا يشوفوا حاجات غريبة ويتكلموا عليها".
وأضاف: "عكس تصرفاتهم لما يشوفوا حاجة عادية عمر ما حد قالي الله إيه البدلة الجميلة دي أو شكلك منمق، فخلاص عادي أنا أغرب منك، أهم حاجة ميكونش حرام ولا أعمل حاجة متعارضة مع الدين، أنا مش متشبه بالنساء مفيش نساء عندها ذقن لغاية دلوقتي ومنعرفش الموضة هتروح فين".
وتابع: "الصحابة كانوا بيحطوا في إيديهم حلقة كده عند عضلاتهم وأنا مش بتشبه بالنساء لأن النساء معندهاش دقن".